Yehi Jeena Hai !!

Kucch thaki hui sanson mein, ruki hui ek gehrayi ka naam,
Jeena hai.

Laakhon ke hujum mein, chand lamhe tanha jeene ka naam ,
Jeena hai.

Saari raat Unkahi dastaan mein, subah suraj ki pehli kiran ka naam,
Jeena hai.

kaaton bhare raaston mein, Gulab sa khilne ka naam,
Jeena hai.

Milon safar mein chalne ke baad, ek pahle mukaam ka naam,
Jeena hai.

Hazaron bhrantiyon mein, kisi ek sacchi Aastha ka naam,
Jeena hai.

Unchahi hazaron muskurahton ke beech, kisi sacchi muskaan ka naam,
Jeena hai.

Unginat timtimaaten taaron ke beech, ek sheetal chand ka naam,
Jeenaa hai.

Din bhar ki saari thakaan ke baad, ek Pal ke aaram ka naamm,
Jeena hai.

Kitabon, panno, panktiyon ke beech chupe kucch gyaan ka naam,
Jeena hai.

Mere apne khayalon mein hi ek chuppe ehsaas ka naam,
Jeena hai.

Shahar ke saare makano ke beech, ek chote se ashiyaane kaa naam,
Jeena hai.

Duniyaa bhar ke ristoh mein, kisi apne ke pyaar ka naam,
Jeena hai.

"Yehi jeena hai"

- bY a JUITian who want to remain Unknown to all
(yaa.. he don't want to show his quality at this moment of life to world...but I am sure in coming days he will blast with his nice n great collection of Poetry. Very few know about him that he write so well, since i am his hardcore fan ... I got opportunity to publish one of his collection on my blog...thank u yaar .)